Аӡы рыҵалеит ахатәы ҩнқәа рыгәраҵақәеи аҩнеихагылақәа актәи аихагылақәеи. Гәдоуҭа араион абылра-хьчаратә ҟәша жәохәҩык инарзынаԥшуа аусзуҩцәа ақалақь амаҵзурақәа рыцырхырааны амшцәгьа ахҟьаԥхьақәа рықәгара иазкны иахәҭоу аусмҩаԥгатәқәа нарыгӡоит. Ақалақь егьырҭ араионқәа рҿы иҟалар зылшо аӡхыҵра инамаданы аҭагылазаашьа ахылаԥшра аҭоуп.
15.Рашәара.2023
Иауз ақәыршҩы ӷәӷәа иахҟьаны Гәдоуҭа ақалақь аҿы аҩнқәа актәи реихагылақәа аӡы рыҵалеит.
Аҟәа. Рашәарамза 15, 2023 шықәса. Аԥсныпресс. Иахьа ашьжьымҭан иауз ақәыршҩы ӷәӷәа иахҟьаны, Гәдоуҭа араион ҭыԥқәак рҿы аҩнқәа аӡы рыҩналеит, ҳәа адырра ҟанаҵоит Аԥсны Иҷыдоу аҭагылазаашьақәа рзы Аминистрра аофициалтә саит.
Зегьы реиҳа азарал роуит акинотеатр «Кьараз» азааигәара игылоу аҩнқәа.
