Санкт-Петербург иҟало Аԥсны Ҳаҭыр зқәу Аконсулра аидгьылуаа активла реимадареи реибабареи, иара убас урҭ идуу жәларбжьаратәи аусмҩаԥгатәқәа рылахәхареи рзы иманшәалоу аҭагылазаашьақәа раԥҵара иазкхоит.
14.Рашәара.2023
Инал Арӡынба Санкт-Петербург аҵара зҵо аԥснытәи астудентцәа дырԥылеит.
Аҟәа. Рашәарамза 14, 2023 шықәса. Аԥсныпресс. Аԥсны адәныҟатәи аусқәа рминистр Инал Арӡынба Санкт-Петербург ақалақь иреиҳаӡоу аҵараиурҭақәа рҿы аҵара зҵо, ахәҭакахьала, аплатформа «Аԥсны аԥеиԥш» ацхыраара иҭалаз астудентцәа дырԥылеит.
Аԥсны адәныҟатәи аусқәа Рминистрра Амедиацентр иҟанаҵо адыррақәа рыла, Инал Арӡынба астудентцәа хара имгакәа Аҳәынҭқарра Ахада Урыстәылатәи Афедерациа адәныҟатәи аусқәа Рминистрра аус ацура аиӷьтәра хықәкыс иҟаҵаны Санкт-Петербург иҟоу ҳаҭыр зқәу Аԥсны аконсул икандидатура аликаауеит ҳәа адырра риҭеит.
