Иҟоу азакәанԥҵара инақәыршәыаны, Аԥсны злахәхараны иҟоу жәларбжьаратәи аиқәшаҳаҭрақәа, иара убас аратификациа азура зҭаху жәларбжьаратәи аиқәшаҳаҭрақәа рыпроектқәа рзы Апарламент аԥшьгарала иахәҭаны ианыҟала азы анаукатә експертиза мҩаԥгахоит. Адепутатцәа ргәаанагарала абжьаҵаразы еиқәыршәахо Аԥсны жәларбжьаратәи аиқәшаҳаҭрақәа аиқәыршәара астадиаҿы ианыҟоу инаркны ирызку аинформациа зегьы адепутатцәа рҟынӡа анагара алыршазароуп. Убри аан Аԥсны жәларбжьаратәи аиқәшаҳаҭрақәа рзы Апарламент адырра аҭара ҳәаақәызҵо ахәҭаҷ 7, ахәҭа 2 аминистрцәа Реилазаара Апарламент ас еиԥш аинформациа аҭара шахәҭоу арбазароуп.

Адепутатцәа ргәаанагарала, зыдгалара мҩаԥгоу аиҭакра, анаҩс азинтә еиҿагыларақәа рацәцара азы, жәларбжьаратәи аиқәшаҳаҭрақәа еиҳа инҭкааны азыҟаҵареи аиқәыршәареи алнаршоит.