Хабарда ибжьаӡыз иԥшаара хәы-мши-ҵхи имҩаԥысуан. Уи рхы аладырхәан Аԥсны Иҷыдоу аҭагылазаашьақәа рзы Аминистрра аԥшаара-еиқәырхаратә отриади шәагаала имаҷу аӷбақәа рзы Аҳәынҭқарратә инпекциеи Гагра ақалақь Аԥшаара-еиқәырхаратә отриади Гәдоуҭа араион Аԥшаара-еиқәырхаратә хәҭеи русзуҩцәа. Аиқәырхаҩцәа ирыцны хабарда ибжьаӡыз иԥшаара рхы аладырхәуан уи иуацәагьы.
08.Рашәара.2023
Аԥсеиқәырхаҩцәа Адгәыр Бгеу иԥсыбаҩ рыԥшааит.
Аҟәа. Рашәарамза 8, 2023 шықәса. Аԥсныпресс. 1987 шықәсазы ииз Адгәыр Бгеу иԥсыбаҩ рыԥшааит иахьа ашьжьымҭан, 09 сааҭи 20 минуҭи рзы, Гәдоуҭа араион Калдахәара ақыҭа азааигәара, ҵаҟа Бзыԥ аӡиас амҩасрала, ҳәа адырра ҟанаҵоит Иҷыдоу аҭагылазаашьақәа рзы Аминистрра апресс-маҵзура.
