Аусдкылареи атуризми рминистр Рустем Афзалов, иажәақәа рыла, апрограмма иалагалоуп аанҿасра, акрыфара, абгаԥса. Уи иҟаиҵаз адыррақәа рыла, башкириатәи атуристтә операторцәеи аԥснытәи апартниорцәеи 4 ҵхи 5 мши ирҭагӡоу амҩақәҵага еиқәдыршәеит. Уфа ақалақьи Шәачеи рыбжьара ишиашоу авиареисқәа ахьыҟоу апроект анагӡара акыр иармариоит. Абилеҭ ахәԥса – 14-15 нызықь мааҭ рҟынӡа инаӡоит. Иааизакны, ари аныҟәара аԥсшьаҩы  30 нызықь мааҭ рҟынӡа изтәоит.

Ареспублика Ахада Ради Хабиров раԥхьа аԥышәатә тур аиҿкааразы ажәалагала ҟаиҵеит.

«Аԥсны – ҳара ҳпартниор ауп, уаҟа ҳауаажәлар рзы аинтерес зҵоу, ирбаша-ираҳаша маҷымкәа иҟоуп. Зны гәыԥк дәықәҵатәуп. Анаҩс урҭ ргәаанагара ҳасаб азуны апроект ацҵара аперспективақәа ҳрылацәажәоит», – ҳәа иҳәеит Ради Хабиров.