Акассациатә коллегиа, Аԥсны административтә аӡбареиҿкаара азы Азакәанеидкыла ахәҭаҷ 308, апункт 1 напхгагас иҟаҵаны, Алеқсандр Анқәаб «Ахьӡ-Аԥша» аорден I аҩаӡара ианашьара азы Аҳәынҭқарра Ахада Аслан Бжьаниа Иусԥҟа азакәанмчы амам ҳәа азхаҵара азы 1992-1993шш. Аџьынџьтәылатәи еибашьра аветеранцәа еидызкыло ауаажәларратә еиҿкаара «Аруаа» ахантәаҩы Ҭемыр Гәлиа иалеиҵаз азашшра ала хәажәкыра 22, 2023 шықәсазы Иреиҳаӡоу аӡбарҭа иаднакылаз аӡбамҭа ԥсахрада ааныжьреи, азыҳәамҭа анамыгӡареи рзы аӡбамҭа аднакылеит.
19.Лаҵара.2023
Акассациатә инстанциа аӡбарҭа «Аруаа» ахантәаҩы Ҭемыр Гәлиа ишшыбӷьыц анагӡарада иааннажьит.
Аҟәа. Лаҵарамза 19, 2023 шықәса. Аԥсныпресс. Лаҵарамза 19 рзы Иреиҳаӡоу аӡбарҭа административтә усқәеи админитративтә зинеилагарақәеи рзы Акассациатә коллегиаи иаарту аӡбаратә еилатәара аҿы Алеқсандр Анқәаб «Ахьӡ-Аԥша» аорден I аҩаӡара ианашьара азы Аҳәынҭқарра Ахада Аслан Бжьаниа Иусԥҟа азакәанмчы амам ҳәа азхаҵара азы административтә ус ала Иреиҳаӡоу аӡбарҭа хәажәкыра 22, 2023 шықәсазы иаднакылаз аӡбамҭа азы 1992-1993шш. Аџьынџьтәылатәи еибашьра аветеранцәа еидызкыло ауаажәларратә еиҿкаара «Аруаа» ахантәаҩы Ҭемыр Гәлиа хазхаҭалатәи изыҳәамҭа иахәаԥшит. Акассациатә коллегиа аилазаараҿы иҟан: ахантәаҩы - Лииа Адлеиба, аӡбаҩцәа - Мадина Логуеи Ҭемыр Ҭарбеи.
