«Аҳаирбаӷәаза иаҵанакуа адгьылҵакыра аҿыгара азҵаарақәа рыӡбара Аԥсны аекономика Аминистрра анапынҵа ала Гәылрыԥшь араион Ахадара инанагӡоит. Маҷк ада апроект-харџьынҵатә документациа еиқәыршәоуп. Уажәы уи Афедералтә Автономтә Усбарҭа «Урыстәыла аҳәынҭқарратә експертиза аусбарҭа хада» аҟны ишьҭоуп. Аескпертиза анхыркәшахалак ашьҭахь апроект ишарбо ала аргылара-еиҭашьақәыргыларатә усурақәа ирылагоит. Еиҭашьақәыргылахоит аҳаирбаӷәазатә хыбрақәеи амаҵзуратәи атехникатә цхыраагӡатә хыбрақәеи. Ашьҭыԥраарҭа цәаҳәа аҿгьы аиҭашьақәыргыларатә усурақәа мҩаԥгатәуп. Мҽхакы ҭбаала аусурақәа нагӡатәны ҳаԥхьа ишьҭоуп», – ҳәа иҳәеит Даур Шьоуа.
15.Лаҵара.2023
Атуризм аминистр Ҭеимураз Хишба В.Г.Арӡынба ихьӡ зху аҳаирбаӷәза даҭааит.
Аҟәа. Лаҵарамза 15, 2023 шықәса. Аԥсныпресс. Лаҵарамза 15 рзы Гәылрыԥшь араион ашҟа иусуратә ныҟәара аҳәаақәа ирҭагӡаны Аԥсны атуризм аминистр Ҭеимураз Хишба В. Г.Арӡынба ихьӡ зху аҳаирбаӷәаза даҭааит.
Атуризм Аминистрра аҳаирбаӷәаза аусура алагара имаҷымкәа агәыӷрақәа аднаҳәалоит.
«Атуристцәа рааразы рымҩа армариарала, ҳара Гәылрыԥшь араиони, иааизакны Аԥсны иаҭаауа урҭ рхыԥхьаӡара аизырҳара ҳақәгыӷыртә еиԥш алшара ҳауеит», – ҳәа иазгәеиҭеит аминистр.
Гәылрыԥшь араион адгьылхархәареи архитектуреи рыҟәша анапхгаҩы Даур Шьоуа аминистр изҵаарақәа рҭак ҟаиҵеит.
