Аԥсны аиустициа аминистр петербургтәи жәларбжьаратәи азиндырратә форум ихы алаирхәуеит.

12.Лаҵара.2023

Аԥсны аиустициа аминистр петербургтәи жәларбжьаратәи азиндырратә форум ихы алаирхәуеит.

Аҟәа. Лаҵарамза 12, 2023 шықәса. Аԥсныпресс. Аԥсны аиустициа аминистр Анри Барцыц XI Петербургтәи жәларбжьаратәи азиндырратә форум ихы алаирхәуеит.

Санкт-Петербург имҩаԥысуа Жәларбжьаратәи азиндырратә форум - ҳаамҭазтәи азиндырратә еилазаара аҿаԥхьа иқәгылоу актуалра злоу азҵаарақәа рылацәажәара азы зымҽхак ҭбаау плошьадканы иҟоуп.

Афорум лаҵарамза 11- 13 рзы имҩаԥысуеит. Сынтәа уи рхы аладырхәуеит 20-ҩык аиустициа аминистрцәа, иара убас 34 ҳәынҭқарра аҟынтәи иреиҳаӡоу анапхгара аусбарҭақәа рхаҭарнакцәа. Еиуеиԥшым аҳәынҭқаррақәеи аобластқәеи рҟынтәи азиндырҩцәа ҳаамҭазтәи азиндырра иадҳәалоу азҵаара хадақәа жәпакы рыла ргәаанагарақәа еибырҳәоит.

Петербургтәи Жәларбжьаратәи Азиндырратә Форум -2023 атема хадеи апленартә еилатәара атема хадеи – «Азин аҿы асуверенитет». Афорум аусуратә программа 6 тематикатә хырхарҭала 120 усмҩаԥгатә инареиҳаны иалагалоуп:

«Зҽеиҭазкуа адунеи аҿы исуверентәу азин»;

«Асанкциатә ҭагылазаашьақәа рҿы абизнеси аинвестициақәеи»;

«Еффективла иҿио аҳәынҭқарра азы – аеффективра злоу азин»;

«Аԥхьаӡацыркра: ԥхьаҟа иҟало азин аку, мамзаргьы азин ԥхьаҟатәи аԥеиԥш аку?»;

«Аиашаӡбареи аимакқәа рҭышәынтәалареи: иҿыцу аҭагылазаашьақәеи алаԥшҳәаақәеи»;

«Азини ауаажәларреи». ▫

Афорум аусура актәи амш, лаҵарамза 11 азы имҩаԥысит Урыстәылатәи Афедерациа Аконституциатә ӡбарҭа Жәларбжьаратәи аконференциа.

Read 178 times