Ари авидео рылазырҵәо атәылауаа зегьы рахь аҳәара ҟаҳҵоит, ареспублика ауаажәларра рырбыжкра хықәкыс измоу ахымҩаԥгашьақәа мап ацәыркырц азы.
28.Мшаҧы.2023
Аԥсны Жәлар Реизара-Апарламент аҿаԥхьа абираҟ аҵәира аԥшасра иахҟьеит.
Аҟәа. Мшаԥымза 28, 2023 шықәса. Аԥсныпресс. Зхаҭара шьақәыргылам аинтернет ахархәаҩык Аԥсны Жәлар Реизара-Апарламент ахыбра аҿаԥхьа иҵәины игылоу абираҟ иазкны авидео аинтернет иҭеиҵеит.
Аԥсны Жәлар Реизара-Апарламент апресс-маҵзура ари ахҭыс зыхҟьаз аԥшасра ауп, насгьы уи иангәаҭаха ашьҭахь иаразнак ирҽеин ҳәа аҳәамҭа ҟанаҵеит.
