Аҟәа. Хәажәкырамза 23, 2023 шықәса. Аԥсныпресс. Жәлар Реизара–Апарламент адепутатцәа актәи аԥхьараҿы Аԥсны административтә зинеилагарақәа рзы Азакәанеидкыла ахәҭаҷ 45 аиҭакрақәа аларгалеит.
Изакәанымкәа, аҳақьым иабжьгарада анаркотикатә, ма арҩышьыгатә маҭәашьарқәа рхархәара (амарихуана, мамзаргьы гашиш ҳәа изышьҭоу уахь иналамҵакәа), иара убас амедицинатә еилкаара мап ацәкра азы 3-мыш ирҭагӡаны административтә хьырқәра ақәыршәара азԥхьагәаҭоуп.
Шықәсык иалагӡаны ҩаԥхьа аиԥш-зеиԥшу азинеилагара азы 10-мыш ирҭагӡаны административтә хьырхәра ақәыршәара азԥхьагәаҭоуп.
Изакәанымкәа, аҳақьым иабжьгарада амарихуана, мамзаргьы гашиш ҳәа изышьҭоу анаркотикатә маҭәашьар адкыларазы даҽазнык аҭакԥхықәра ақәыршәара азԥхьагәаҭаӡам.
