Print this page
07.Хәажәкыр.2023

БАГРАТ ХӘЫТАБА ШЬАМТӘЫЛА АДӘНЫҞАТӘИ АУСҚӘА РМИНИСТР ФЕИСАЛ МИКДАД ДИԤЫЛЕИТ.

Аҟәа. Хәажәкырамза 7, 2023 шықәса. Аԥсныпресс. Иахьа Шьамтәыла имҩаԥысит Шьамтәыла иҟоу Аԥсны Ацҳаражәҳәаҩ Баграт Хәытаба Шьамтәылатәи Арабтәи Ареспублика адәныҟатәи аусқәа рминистр  Феисал Микдад диԥылеит. Аиԥылара аҿы аҳәынҭқаррабжьаратәи аусеицура иадҳәалоу азҵаарақәа жәпакы ирылацәажәеит.

Баграт Хәытаба, сынтәа иазԥхьагәаҭоуп   II  аԥсуа-шьамтәылатәи акомитет амҩаԥгара, уи аҳәаақәа ирҭагӡаны  аеконоика, анаука, акультура, аҵарадырра, уҳәа аусхкқәа ирыдҳәалоу азҵаарақәа ирылацәажәараны иҟоуп ҳәа иазгәеиҭеит. 

Ахәҭакахьала, Феисал Микдад Шьамтәылатәи Арабтәи Ареспублика аганахьала иарбоу азҵаарақәа адгылара шаиуо азгәеиҭеит.  

«Шьамтәылеи Аԥсни ирыбжьоу аимабзиаратә еизыҟазаашьақәа ессааира иӷәӷәахоит. Ҳара жәабранмза 5-6 рзы иҟалаз адгьылҵысра иахҟьаны агуманитартә цхыраара аҭара аҟаҵара иацаҳҵоит», - ҳәа инаҵшьны иазгәеиҭеитБаграт Хәытаба. 

Аиԥылара иацҵо аганқәа Аԥсны аекономика Аминистрреи Шьамтәылатәи Арабтәи Ареспубликеи  рыбжьара анапхгарабжьаратәи аусеицура азҵаарақәа ирылацәажәеит, иара убас аҩ-ҳәынҭқарратә рҳазылхратә еилакқәа русеицура азҵаарақәагьы ирзааҭгылеит.

Read 389 times