10 млн мааҭ ахимиотерапиа азы иаахәаз ахимиатә маҭәашьарқәа рыхәԥса ашәареи, иара убас апрепаратқәа ррезерв аԥҵареи рзы идәықәҵахоит.
Аҟәа. Ԥхынҷкәынмза 29, 2022 шықәса. Аԥсныпресс. Апарламент адепутатцәа Ихымԥадатәиу амедицинатә бгаԥса Афонд 2022 шықәсазы абиуџьеҭ аиҭакрақәа алагалара азы ақәҵара рыдыркылеит. Афонд абиуџьеҭ аныхтәии ахашәалахәытә хәҭеи 10 млн.мааҭ рыла еизырҳахеит.
Афонд ахашәалахәқәеи аныхтәқәеи рзеиԥш шәагаа шьақәырӷәӷәоуп. Уи азеиԥш еицҵалыҵ 55 млн 499,7 нызықь мааҭ рҟынӡа инаӡоит.
10 млн мааҭ ахимиотерапиа азы иаахәаз ахимиатә маҭәашьарқәа рыхәԥса ашәареи, иара убас апрепаратқәа ррезерв аԥҵареи рзы идәықәҵахоит.