АДУНЕИЗЕГЬТӘИ АԤСУА-БАЗА ЖӘЛАР РКОНГРЕСС АХАНТӘАҨЫ ИҞЫНТӘИ АҲАМҬАҚӘА РОУРА АЗЫ ЗХЫ ИАҚӘИҬУ АИҚӘԤАРА АЗЫ X ЖӘЛАРБЖЬАРАТӘИ АТУРНИР АԤСНЫ ИМҨАԤЫСИТ.

11.Ԥхынҷкәын.2022

АДУНЕИЗЕГЬТӘИ АԤСУА-БАЗА ЖӘЛАР РКОНГРЕСС АХАНТӘАҨЫ ИҞЫНТӘИ АҲАМҬАҚӘА РОУРА АЗЫ ЗХЫ ИАҚӘИҬУ АИҚӘԤАРА АЗЫ X ЖӘЛАРБЖЬАРАТӘИ АТУРНИР АԤСНЫ ИМҨАԤЫСИТ.

Аҟәа. Ԥхынҷкәынмза 11, 2022 шықәса. Аԥсныпресс. Адунеизегьтәи аԥсуа-база жәлар Рконгресс Иреиҳаӡоу Ахеилак ахантәаҩы Мусса Еқьзеқь иҟынтәи аҳамҭақәа раиура азы зхы иақәитәу аиқәԥара азы аиубилетә X Жәларбжьаратәи атурнир Афон Ҿыц ақалақь аҿы имҩаԥысит.

Аицлабрақәа аспорттә клуб «Абаза» 10-шықәса ахыҵра инамаданы, Адунеизегьтәи аԥсуа-база жәлар Рконгресс 30- шықәса ахыҵреи Адунеизегьтәи аԥсуа-база жәлар Рконгресс VIII Аизара Ду амҩаԥгареи рҳәаақәа ирҭагӡаны имҩаԥган.

Аицлабрақәа рхы аладырхәит 130-ҩык инарзынаԥшуа ақәратә категориақәа хԥа ирыҵанакуа рыбжьара зхы иақәиҭу аиқәԥара аспортсменцәа. Ақәратә категориақәа зегьы рыҩныҵҟа акапантә категориақәа рылагьы еиҭашан.

Аиубилеитә X Атурнир Ҟарачы-Черкессиа, Ҟабарда-Балкариа, Даӷьсҭан, Краснодар, Шәача, иара убас Аԥсны ақалақьқәа зегьы рҟынтәи 130-ҩык инарзынаԥшуа аспортсменцәа еиднакылеит. Урҭ ақәратә категориақәа хԥа, иара убас акапантә категориақәа 15 рҿы иқәгылоит.

Актәи аҭыԥ ааныркылеит Гәдоуҭантәи аспортсменцәа, аҩбатәи Аҟәатәи аиқәԥаҩцәа, ахԥатәи – Калининградтәи акоманда.

Ауаажәларратәии аҳәынҭқарратәии аусзуҩ, амеценат, Адунеизегьтәи аԥсуа-база жәлар Рконгрес Иреиҳаӡоу Ахеилак ахантәаҩы Мусса Еқьзеқь иҟынтәи аҳамҭақәа роура азы зхы иақәиҭу аиқәԥаразы аиубилеитә X Жәларбжьаратәи атурнир традициала 2011 шықәса инаркны Аԥсны имҩаԥгахоит.

Ари аамҭа иалагӡаны аицлабрақәа рхы аладырхәит шәҩыла Урыстәылеи Аԥсни рҟынтәи аспортсменцәа.

Read 351 times