АРЕСПУБЛИКАТӘ ХЫҶТӘЫ ХӘЫШӘТӘЫРҬА АВТОМАШЬЫНА ҲАМҬАС ИАРҬЕИТ.

02.Ԥхынҷкәын.2022

АРЕСПУБЛИКАТӘ ХЫҶТӘЫ ХӘЫШӘТӘЫРҬА АВТОМАШЬЫНА ҲАМҬАС ИАРҬЕИТ.

Аҟәа. Ԥхынҷкәынмза 2, 2022 шықәса. Аԥсныпресс. Ареспубликатә хәыҷтәы хәышәтәырҭа ахархәаразы иарҭеит автомашьына – минивен «Noah». Уажәшьҭарнахыс уи ахәыҷтәы хәышәтәырҭа апациентцәа ацхыраара рыҭара азы ахархәара аиулоит, ҳәа иаанацҳауеит агәабзиарахьчара Аминистрра апресс-маҵзура.

Уажәраанӡа ари амедусбарҭа амашьына амаӡамызт.

Автомашьына ацаԥхақәа иарбоу ахәышәтәырҭа аҳақьым хада лнапынҵақәа назыгӡо Инесса Камлиа лнапы иаиркит агәабзиарахьчара аминистр Едуард Быҭәба. Амашьына Аҳәынҭқарра Ахада Аслан Бжьаниа иҟаиҵаз адҵа ала иаахәахеит.

Аҳәынҭқарра агәабзиарахьчара аминистр ахәышәтәырҭа аперсонал ироуз аҳамҭа рыдиныҳәалеит. Уи аринахысгьы ахәышәтәырҭа ацхыраара шаҭахо азгәеиҭеит.

«Ахәыҷқәа ианаамҭоу ииашаны амедицинатә цхыраара рыҭара атәыла анапхгара ахықәкы хадақәа иреиуоуп», - ҳәа инаҵшьны иазгәеиҭеит агәабзиарахьчара аминистр.

Инесса Камлиа аҳамҭа азы иҭабуп лҳәеит:

«Амашьына, аиҳарак ас еиԥш аҭыԥрацәа змоу, ҳҭахны ҳаҟеижьҭеи крааҵуан. Ҳара ахәыҷқәа акомпиутертә тамографиа, иара убас Амхылдыз-резонанстә Тамографиеи афиброгастроскопиеи рыҟаҵара азы иаҳгоит.

Уажәшьҭарнахыс зегьы еиҳа имариахоит, еиҳа ирласхоит. Идуӡӡан иҭабуп ҳәа раҳҳәоит атәыла анапхгара», - ҳәа илҳәеит лара.

Read 365 times