Аҟәа. Абҵарамза 30, 2022 шықәса. Аԥсныпресс. Аминистрцәа Реилазаара «Аԥсны Аҳәынҭқарреи Шьамтәылатәи Арабтәи Ареспубликеи рыбжьара наҟ-ааҟ ахәаахәҭратә Хаҭарнакрақәа раартра азы Аиқәшаҳаҭра» анапаҵыҩра азы аиҿцәажәарақәа рымҩаԥгара азы Ақәҵара рыдыркылеит.
Аиқәшаҳаҭра апроект адгалара мҩаԥылгеит аԥыза-министр ихаҭыԥуаҩ, аекономика аминистр Кристина Озган.
«Ахәаахәҭратә Хаҭарнакрақәа раартра Аԥсны Аҳәынҭқарреи Шьамтәылатәи Арабтәи Ареспубликеи хазхаҭалатәи ахаҿқәеи аиуристтә хаҿы змоуи рзинқәа акала иаԥырхаганы иҟалаӡом, уи аҩганк реизыҟазаашьақәа рыҿиара иазкхоит, ахәҭакахьала, ахәаахәҭра-економикатәии анаука-техникатәии усеицура амҩаԥгара иадҳәалоу аиқәшаҳаҭрақәа рыбжьаҵареи рынагӡареи иазкуп.
Ахәаахәҭратә Хаҭарнакрақәа хазхаҭалатәи ахаҿқәеи аирусттә хаҿқәеи рҭакԥхықәара анагӡара ахәҭаны иҟам, убасҵәҟьа хазхаҭалатәи ахаҿқәеи аиуристтә хаҿқәеи Ахәаахәҭратә Хаҭарнакрақәа рҭакԥхықәра анагӡара ахәҭаӡам», - ҳәа иазгәаҭоуп апроект аҿы.
Аганқәа реиқәшаҳаҭрала Ахәҳаахәҭратә Хаҭарнакрақәа рыҟәшақәа иахьыҟоу аҳәынҭқаррақәа егьырҭ ақалақьқәа рҿы иаартызарц алшоит.
