Аҟәа араион, Алада Ешыра ақыҭан иҟоу аполигон аҿы имҩаԥысуаз арратә ҽазыҟаҵарақәа раан арезервистцәа абџьар ахархәара аганахьала ирымоу адыррақәа рыҩаӡара шьҭырхуан.
Инарҭбаау атеориатә инструктаж ашьҭахь урҭ аԥышәатә хәҭа ахь ииасит.
Ас еиԥш арратә ҽазыҟаҵарақәа арратә зыҟаҵара акомплекстә усмҩаԥгатәқәаны иҟоуп, хықәкыс иамоуп амобилизациатә зыҟаҵара аҩаӡра ашьҭыхра, ҳәа адырра ҟарҵоит Аҳәынҭқарратә хьчара Амаҵзура аҿы.
