Абҵарамза 6, ахәылбыҽха, Аҟәа араион, Аҩада Ешыра ақыҭа Уазабаа аҳаракыра иахьаҵанакуа, аиқәырхаҩцәа ирыԥшааит даҽа ҩыџьа уаанӡа иҟьалаз аҟәыҟәбааҟәшәаҩцәа. Аԥсны иҷыдоу аҭагылазаашьақәа рзы Аминистрра ареспублика атәылауаа рахь ашьхара иаԥну аҭыԥқәеи абнара иаҵанакуа аҭыԥқәеи рахь ианцо излауа ала агәҽанызаара аадырԥшларц, ианцо аламҭалазы рымҩа ахьхо ахырхарҭа азы рыуацәа, мамзаргьы рҭаацәа иреиуоу џьоукы ирарҳәаларц, насгьы узықәгәыӷуа аимадара ахархәагақәа рыцзар шахәҭоу, иара убас рымҩа иацәхымҟьарц азы аҭыԥ аҿы аориентациа бзиа рымазар шхымԥадатәиу, уҳәа абжьгарақәа ҟарҵоит.
07.Абҵара.2022
АИҚӘЫРХАҨЦӘА ГАГРА АРАИОН АҾЫ ХАБАРДА ИБЖЬАӠЫЗ АԤҲӘЫС ЛЫԤШААРА ИАҾУП.
Аҟәа. Абҵарамза 7, 2022 шықәса. Аԥсныпресс. Гагра араион аҿы Ҳашьԥсытәи аҩхааҭшәа абнара иахьаҵанакуа абҵарамза 4 рзы хабарда ибжьаӡыз аҭыԥан инхо аԥҳәыс лыԥшаара иаҿуп.
Абҵарамза 4 рзы лара аҟәыҟәбаа аҟәшәара ҳәа абнарахь дцеит. Аха уаҳа аҩныҟа дымгьежьӡеит. Хабарда ибжьаӡыз аԥҳәыс лыуацәа абҵарамза 5 рзы аиқәырхаҩцәа рахь ацхырааразы иадҵаалеит. Иара убри аҽныҵәҟьа аԥшаарақәа хацыркын. Иарбоу аусмҩаԥгатәқәа ирылахуп 17-ҩык хаҭалатәи аилазаара аусзуҩцәа, ҳәа адырра ҟанаҵоит Иҷыдоу аҭагылазашьақәа рзы Аминистрра апресс-маҵзура.
