Абҵарамза 4 рзы лара аҟәыҟәбаа аҟәшәара ҳәа абнарахь дцеит. Аха уаҳәа аҩныҟа дымгьежьӡеит. Хабарда ибжьаӡыз аԥҳәыс лыуацәа абҵарамза 5 рзы аиқәырхаҩцәа рахь ацхырааразы иадҵаалеит. Иара убри аҽныҵәҟьа аԥшаарақәа хацыркын. Иарбоу аусмҩаԥгатәқәа ирылахуп 17-ҩык хаҭалатәи аилазаара аусзуҩцәа. Аԥшаарақәа мҩаԥысуан абҵара 6 рызгьы. Макьаназы аԥшаарақәа лҵшәаданы иаанхоит.
06.Абҵара.2022
ҨЫМШ ҴУЕИТ АИҚӘЫРХАҨЦӘА ГАГРА АРАИОН АҾЫ ХАБАРДА ИБЖЬАӠЫЗ АԤҲӘЫС ЛЫԤШААРА ИАҾУИЖЬҬЕИ.
Аҟәа. Абҵарамза 6, 2022 шықәса. Аԥсныпресс. Аԥсны иҷыдоу аҭагылазаашьақәа рзы Аминистрра Гагра ақалақь аԥшаара-еиқәырхаратә отриади абылрацәыхьчара-еиқәырхаратә ҟәшеи русзуҩцәа Ҳашьԥсытәи аҩхааҭшәа абнара иахьаҵанакуа абар шьҭа ҩаха-ҩымш ирылагӡаны аҭыԥан инхо аԥҳәыс лыԥшаара иаҿуп, ҳәа адырра ҟанаҵоит Иҷыдоу аҭагылазашьақәа рзы Аминистрра апресс-маҵзура.
