Аизара иалахәыз зыԥсҭазаара иалҵхьоу аҵарауаа минуҭктәи аҿымҭрала иргәаладырҳәеит.
Анаҩс еизаз идырбахеит Анаукақәа ракадемиа аԥҵара аҭоурыхи иахьатәи аԥсҭазаареи ирызкны иҭыхыз адокументалтә фильм.
04.Абҵара.2022
АМИНИСТРЦӘА РЕИЛАЗААРА АКОНФЕРЕНЦ-ЗАЛ АҾЫ АԤСНЫ АНАУКАҚӘА РАКАДЕМИА 25-ШЫҚӘСА АХЫҴРА ИНАМАДАНЫ АНЫҲӘАТӘ ЕИЛАТӘАРА МҨАԤЫСУЕИТ.
Аҟәа. Абҵарамза 4, 2022 шықәса. Аԥсныпресс. Аминистрцәа Реилазаара Аконференц-зал аҿы ари абри асааҭқәа рзы имҩаԥысуеит Аԥсны анаукақәа Ракадемиа 25-шықәа ахыҵра иазку аныҳәатә еилатәара. Ари аныҳәатә усмҩаԥгатә ихы аладырхәит Аҳәынҭқарра Ахада Аслан Бжьаниа, Аҳәынҭқарра Ахада Ихаҭыԥуаҩ Бадра Гәынба, Жәлар Реизара-Апарламент Аиҳабы Лаша Ашәба, Аԥсыза-миистр ихаҭыԥуаҩ Владимир Делба, атәыла Анапхгара алахәылацәа.
Аиубилеитә усмҩаԥгатә рхы аладырхәырц Аԥсныҟа иааит Урыстәылатәи Афедерациа аҟынтәи асасцәа– 30 ҩык инареиҳаны аҵарауаа.
