АҬАҶКӘЫМҞЬАҨ АРМЕН МИНАСИАН АСОВЕТ ЕИДГЫЛА АЧЕМПИОН ОЛЕГ КАРАТАЕВ ИГӘАЛАШӘАРА ИАЗКУ АТУРНИР АҾЫ АИААИРА ИГЕИТ.

03.Абҵара.2022

АҬАҶКӘЫМҞЬАҨ АРМЕН МИНАСИАН АСОВЕТ ЕИДГЫЛА АЧЕМПИОН ОЛЕГ КАРАТАЕВ ИГӘАЛАШӘАРА ИАЗКУ АТУРНИР АҾЫ АИААИРА ИГЕИТ.

Аҟәа. Абҵарамза 3, 2022 шықәса. Аԥсныпресс. Москва ақалақь аҿы адунеи ачемпионат араӡнытә аԥхьахәгаҩы, Европа ачемпионат аџьазтә аԥхьахәгаҩы, Асовет Еидгыла ԥшьынтә ачемпион, жәларбжьаратәи акласс аспорт азҟаза Олег Каратаев игәалашәара иазку, 15-16 шықәса зхыҵуа арԥарцәеи аҭыԥҳацәеи рыбжьара аҭаҷкәымҟьара азы VII иаарту атурнир мҩаԥысит.

Аицлабрақәа рхы аладырхәит Урыстәылатәи арегионқәа рҟынтәи 100-ҩык инареиҳаны аспортсменцәа.

Зыкапантә категориа 66 кьыла рҟынӡа иҟоу рыбжьара атурнир ихы алаирхәит Гагратәи абокс азы ашкол ааӡамҭа Армен Минасиан. Аспортсмен х-еиндаҭларак мҩаԥигеит, зегьы рҿы аиааира агара илшеит, убас ала уи ахьтәы медал аиура даԥсахеит, ҳәа ианацҳауеит Аԥсны аҿари аспрти русқәа рзы аҳәынҭқарратә Еилакы.

Армен Минасиан азыҟаҵаҩцәа Елизбар Џьологуеи Едгар Қриеи рҿы иҽазыҟаиҵон. Уажәы Армен Минасиан москватәи ақалақьтәи абҩарҵәыра-спорттә еидгылара азы дықәгылоит, аспортсмен дазыҟаиҵоит азыҟаҵаҩ Ваграм Абиониан.

Read 359 times - Амҽыша, 06 Абҵара 2022 20:44