сегодня 15:47
Жьҭаарамза 1, 2026 шықәса рзы Аԥсны асахьаҭыхыҩцәа реидгыла ацәыргақәҵатә зал хадаҿы Урыстәылатәи Афедерациа акультура аминистрра ацхыраарала Урыстәылатәи аҟазаратә галереиа ицәырнаго ацәыргақәҵа «Амшын хьаас иамаӡам» аатуеит
Ацәыргақәҵа Урыстәылеи Аԥсни рыбжьара акультуратә диалог атрадициа иацнаҵоит, еиднакылоит афедералтә музеиқәа хәбеи арегионалтә музеиқәа хԥеи рҟынтәи аурыс ҿыханҵа арҿиамҭақәа 35.
Араҟа амшын аԥсабаратә цәырҵра бааԥс еиԥш акәымкәа, аҭоурыхи, алегендақәеи, асахьаркыратә хаҿсахьақәеи ахьеилаҵәо аҭынчрв иаҭыԥны ицәырҵуеит.
Аекспозициаҿы аҭыԥ ҷыда ааныркылоит аурыс ҿыханҵа азҟазацәа дуқәа-Иван Аивазовскии Алексеи Боголиубови рырҿиамҭақәа. Иара убасгьы аҭааҩцәа ирбоит Валентин Серов, Константин Богаевски, Георги Нисски, Таир Салахов, Наталиа Нестерова, Владимир Дубоссарски уҳәа еицырдыруа асахьаҭыхыҩцәа русумҭақәа.
Ацәыргақәҵа Аԥсни Урыстәылеи ркультуратә ԥсҭазаараҿы аҵакы змоу хҭысны иҟалоит, аҩ-тәылак рҭоурыхтә, рсахьаркыратә ҭынха азеиԥшра инаҵшьны иазгәанаҭеит.
Ацәыргақәҵа аус аулоит 2026 шықәса жьҭаарамза 1 инаркны ԥхынҷкәынмза 13-нӡа.
