Ргәаанагарақәа еибырҳәеит аԥсабаратә рыцҳарақәа рыхҟьа-ԥҟьақәа раԥыхра, амҩатә ԥҟарақәа реилагаразы ахарадҵаратә уснагӡатәқәа рырӷәӷәара, зқьышықәсала еиқәырханы иаарго аҵас бзиақәа шьаҭас иаҭаны абиԥарақәа рааӡара аус уҳәа реиԥш иҟоу азҵаарақәа рзы.
Иқәыргылаз азҵаарақәа рыҩныҵҟа иҟан Абыргцәа рхеидкыла Ахантәаҩы Аполлон Думаа изҵаара Ахада иалхрақәа рыламҭалазы имҩаԥиго аусуразы ажәлар рҿаԥхьа аҳасабырба шыҟаиҵало азы ириҭаз ажәа иадҳәалан. Ахада аҭак ҟаҵо, иҳәеит хара имгакәа Аԥсны жәлар рҿаԥхьа аҳасабырба ҟаиҵараны дшыҟоу.
