Аицлабрақәа ирылахәын ареспублика ақалақьқәеи араионқәеи рҟынтәи 60-ҩык аспортсменцәа.
Ачемпионат аӡбаҩ хадас дыҟан Руслан Сариан.
Аҳәса рыбжьара аицлабрақәа реихшьаалақәа рыла ахьтәы медал ланашьахеит Ерика Кәарҷиа (Аҟәа), араӡны медал – Кама Адлеиба (Аҟәа), аџьаз медал - Хана Малиа (Аҟәа).
Ахацәа рыбжьара аиааира игеит Леон Габлиа (Аҟәа), аҩбатәи аҭыԥ ааникылеит Ренат Карчаа (Аҟәа), ахԥатәи - Милор Аԥхазаа (Тҟәарчал).
Ачемпионат аҿы аиааира згази аԥхьахәгаҩцәеи аԥаратә ҳамҭақәа ранашьан.
