Нанҳәамза 5 рзы афестиваль Ажәытәтәи Бедиатәи ауахәама ашҭахь ииасуеит. Араҟа ахәаԥшцәа ирыдгалахоит адунеитә классика ашедеврқәа рҟынтәи апрограмма: Астор Пиаццолла, Антонин Дворжак, Ханс Циммер рҩымҭақәа нарыгӡоит Хьыбла Герзмаа, Академ квартет, Лука Гаделиа (ауарӷан), Никита Власов (аккордеон), Васили Андреев (аконтробас).

Нанҳәамза 8 рзы Пицундатәи ауахәамаҿы имҩаԥгахоит афестиваль аԥсуа хәҭа ахыркәшаратә концерт. Кристоф Глиук инаиркны П.И. Чаиковски иҟынӡа адунеитә опера абырлашқәа рыла ишьақәгылоуп, инарыгӡоит Хьыбла Гьерзмааи уи имҩаԥылго аицлабра алауреатцәа – Самира Галимовеи, Екатерина Воронцовеи, Станислав Лии, Дамир Садуахасови. Ароиаль -Марк Ваза.

Амузыкатә фестиваль «Хьыбла Гьерзмаа шәаалыԥхьоит...» мҩаԥысуеит Урыстәыла акультура Аминистрреи ПФКИ-и, иара убас Аԥсны аиҳабыреи акультура аминистрреи рыцхыраарала.