Аҟәа. Абҵарамза 1, 2022 шықәса. Аԥсныпресс.  Аԥсны Аҳәынҭқарра Ахада Аслан Бжьаниа аҭаҷкәымҟьара азы Урыстәыла ачемпионат араӡынтә аҧхьахә иаҧсахаз Баҭал Чежиа дидикылеит.

"Иудысныҳәалоит, Баҭал. Ус инагӡала!", - иҳәеит аҳәынҭқарра Ахада, аспортсмен аԥсшәа иаҳәо. Аҳәынҭқарра Ахада дазҵааит аспортсмен игәалаҟазаара зкиԥшроу.

Баҭал Чежиа Ахада иииҭаз адгыларазы иҭабуп ҳәа иаҳәаны, иазгәеиҭеит: "Сгәалаҟазаара бзиоуп. Зегь раҧхьа иргыланы, Шәара иҭабуп ҳәа шәасҳәарц сҭахуп. Шәара изышәҭаз адгыларада ари аиқәԥара зыҟаломызт,  иара убас атитулгьы. Хымԥада, ҳара ишаҳҭахҵәҟьаз еиԥш изымцеит. Раԥхьа ҳаиҭоуп ҳәа азырыӡбеит, аха ҳара ҳ - Федерациа аӡбамҭа иаҿагылеит, избан акәзар даргьы, иахәаԥшуазгьы ирбарҭан аиааира ҳара ишаҳтәыз. Сара Урыстәыла ачемпионат араӡынтә титул санаршьеит, ԥхынҷкәынмзазы ахьтәы титул азы ақәԥара сыдыргалеит", - иҳәеит ақәԥаҩ.

Баҭал Чежиеи Максим Смирнови рыбжьара ақәҧара мҩаԥысит Москва, жьҭаарамза 29 рзы  агимнастка Ирина Винер-Усманова лыхьӡ зху Агимнастика ахан аҟны.   Аиндаҭлара мҩаҧыҧсуан зыкапантә категориа 79 кг рҟынӡа иҟаз рыбжьара, аа-раундк рыҩныҵҟа.

Аҳәынҭқарра Ахада иазгәеиҭеит иааиуа аинадҭларазы аҽазыҟаҵара шаҭаху. "Ҳара ҳганахь ала иахәҭоу ацхыраара ҟаҳҵоит. Уџьабаа хымҧада алҵшәа аиуеит", - иҳәеит Аҳәынҭқарра Ахада.