Афестиваль асахьаркыратә напхгаҩы-Барас Кәыџба.

Апрограмма иалалеит Аԥсны Аҳәынҭқарратә хортә капеллеи Александр Соловиов инапхгарала Москватәи аконсерваториа Акамертә хори рықәгыларала. Аԥсны аҳәынҭқарратә хортә капелла асахьаркыратә напхгаҩыс дамоуп Аԥсны жәлар рартист Нодар Ҷанба. Аконцерт иара убасгьы далахәуп Урыстәыла Жәлар рартист, авиолончелист Александр Книазев. Адирижиорцәа-Барас Кәыџбеи Александр Соловиови.

IV Пицундатәи афестиваль мҩаԥыслоит нанҳәамза акынӡа, уи аҳәаақәа ирҭагӡаны имҩаԥгахоит аконцерттә программақәа 11 — Аԥсни, Урыстәылеи, аҳәаанырцә ааигәа атәылақәеи рҟынтәи амузыкантцәа злахәу асимфониатә, акамертә, ахортә хәылԥазқәа, иара убас имҩаԥгахоит Пицундатәи афестиваль асимфониатә оркестр раԥхьаӡатәи ақәгылара.