«Ҳаҭыр зқәу Сергеи Владилен-иԥа!

Гәык-ԥсыкала ишәыдысныҳәалоит шәымшира!

Аԥсны азы шәара Урыстәылатәи Афедерациаҿы зегь реиҳа авторитет змоу аҳәынҭқарратә усзуҩцәа шәреиуоуп, аԥсуа-аурыс еизыҟазаашьақәа рырӷәӷәараҿы хәы змаӡам хаҭалатәи шәлагала дууп, гәык-ԥсыкала ҳтәыла шәшазыҟоу иҟашәҵо зегьы ианыԥшуеит.

Аԥсны иқәынхо дарбанызаалак ибоит шәахьиз адгьыл шаҟа шәыхшыҩ азышәышьҭуа, шәахӡыӡаауа. Убри азоуп араҟа гәык-ԥсыкала бзиа шәзырбо, пату зшәықәырҵо, ирызгәакьоу уаҩны шәзырыԥхьаӡо.

Иахьа Аԥсны ҿиоит, абзиарахь аҽаԥсахуеит. Арҭ аиҭакрақәа рҿы ауаа ирбоит шәџьабааи, шәалахәреи. Уи азы даара иҭабуп ҳәа шәаҳҳәоит.

Ҳаиҩызаратә еизыҟазаашьақәа среиҷаҳауеит, Аԥсны гәык-ԥсыкала шәахьазыҟоу ахә ҳаракны исшьоит.

Ишәзеиӷьасшьоит агәабзиара, аманшәалара, иара убас Урыстәыла аизҳазыӷьаразы шәҳәынҭқарратә маҵзураҿы ԥхьаҟатәи ақәҿиарақәа».