«Ҳара ҳҳәынҭқаррақәа рышьақәгылареи жәларбжьаратәи разхаҵареи рзы имариамыз амҩа ҳанысит. Иахьа ҳара аполитикатә диалог арӷәӷәара, ахәаахәҭра-економикатә, агуманитартә, акультуратә усеицура арҿиара ҳаҿуп, ахырхарҭақәа зегьы рыла есааира рымҽхак ырҭбаауа», — иҳәеит Бадра Гәынба.

Аҳәынҭқарра ахада ацҳаражәҳәаҩ изеиӷьеишьеит Аԥсны Аҳәынҭқарреи Аахыҵ Уаԥстәыла Ареспубликеи рыбжьара аиҩызареи аусеицуреи рырӷәӷәара иазырхоу аҭакзыԥхықәу адипломатиатә миссиаҿы ақәҿиарақәа.

Кациа Асҭамыр иаҵшьны иҳәеит ҩ-ганктәи аусеицура ишацҵахо.

Иара убасгьы иазгәеиҭеит ареспубликақәа ҭоурыхла  аизааигәареи аиашьаратә еимадарақәеи ишеидыркыло, иҳәеит ахырхарҭақәа зегьы рыла аусеицура еиҳагьы аҽшарҭбаауа, аҿиара шаиуа.