Ахыбра аиҭашьақәыргыларазы зымҽхак ҭбаау апроект нагӡан Аԥсны Аерман хеилаки Гагра араион ахадареи рымчала. Аусурақәа рзеиԥш хәыԥса иартәеит 25 млн мааҭ, урҭ рахьынтә 2 млн Гагра араион абиуџьет аҟынтәи иазоужьын.

Аргылаҩцәа ахыбра аконструкциа шьаҭанкыла идырҿыцит, ҳаамҭазтәи аҵаратә мыругақәа ықәдыргылеит, иара убас аҩнымаҭәа ҿыц ааргеит.

Ирҿыцу ахәыҳбача дахагылеит Саида Гаррии-иԥҳа Пандалион.

Ахәыҷбаҳча «Ашана» 40-ҩык ааӡамҭацәа аднакылар алшоит.

Аныҳәатә усмҩаԥгатә рхы аладырхәит Аҳәынҭқарра Ахада Бадра Гәынба, аҵара аминистр Хана Гәынба, Гагра араион ахада Иури Хагәышь, Жәлар Реизара  адепутатцәа, ауаажәларра рхаҭарнакцәа.