«Петербургтәи жәларбжьаратәи агәы ацентр азыхиоуп аконсультативтә центрқәа раԥҵареи, иара убас аҳақьымцәа ҿарацәеи акардиологцәеи разыҟаҵареи рзы аԥышәеимдара. Ҳара ҳазыхиоуп аспециалистцәа апрактикахь ргара. Иаҭахны иҟалар, ҳапрофильтә специалистцәа Аԥсны аклиникақәа рахь рынашьҭра», — ҳәа агәра диргеит Алеқсандр Беглов.
Урыстәылатәи арегион ахада инарҭбааны далацәажәеит Петербург ихацырку, иаку аелектронтә медицинатә хсаалагахь аиасра атәы: «Ауаҩы даниуа иаразнак амедицинатә електронтә хсаала иоуеит, иԥсҭазаара ашықәсқәа зегьы ицзаауеит. Атәылауаҩшәҟәы, ма даҽа документқәак дырбара аҭаххом, уи изку адырра зегьы азеиԥш базаҿы иҟазаауеит».
вчера 23:53
Алеқсандр Беглов Аԥсны аԥхьагылара змоу амедицинатә технологиақәа ралагаларазы ажәалагала ҟаиҵеит
Аофициалтә еиԥылараан Санкт-Петербург агубернатор агәабзиарахьчара аусхк аҟны аусеицура аԥыжәара зҭатәу хырхарҭоуп ҳәа ахиҳәааит, иҳәеит амедицина ацифраркреи «аиҷаҳаратә поликлиникақәа» рсистема алагалареи рзы аԥышәеимдара ишазыхиоу, уи хықәкы хадас иамоуп ачымазаҩ иаамҭа аиқәырхара.
