Асасцәа бзиала шәаабеит ҳәа раҳәо атәыла ахада иазгәеиҭеит Аԥсни Урыстәылеи рыбжьара даара иԥхоу, аиҩызаратә, аиашьаратә, аидгыларатә еизыҟазаашьақәа шышьақәгылаз.
Бадра Гәынба аҵак ду аиҭоит Аԥсни Урыстәыла еиуеиԥшым арегионқәеи реимадара арӷәӷәара.
«Санкт-Петербурги ҳареи ҳаинырра ихадоу ахырхарҭақәа ируакуп. Алеқсандр Дмитри-иԥа аҭагылазаашьа схы иархәаны хаҭала иҭабуп ҳәа шәасҳәар сҭахын Аԥсны адгылареи уи иашәҭо ацхыраареи рзы», - иҳәеит ахада.
вчера 1:42
Аҳәынҭқарра Ахада Бадра Гәынба диԥылеит усутә визитла Аԥсны иҟоу Санкт-Петербург агубернатор Алеқсандр Беглов
Аиԥылара иара убас иалахәын аԥыза-министр Владимир Делба, Ахада Иусбарҭа анапхгаҩы Беслан Ешба, Санкт-Петербург адәныҟатәи аимадарақәа рзы аилак ахантәаҩы Евгени Григориев, уи ихаҭыԥуаҩ Евгени Кассиура, Аԥсны иҟоу Урыстәыла ацҳаражәҳәарҭа абжьгаҩ‑ацҳаражәҳәаҩ Максим Литвинов, Санкт-Петербург иҟоу Аԥсны ҳаҭыр зқәу аконсул Владимир Бигәаа.
