Лаша Ашәба асасцәа бзиала шәаабеит ҳәа раиҳәеит. Инаҵшьны дазааҭгылеит аԥсуа жәлар ахә ҳаракны ишыршьо аибашьра ашьҭахьтәи аамҭа уадаҩ аан Ҭаҭарсҭан иҟанаҵаз ацхыраара.
Уи иажәақәа рыла, ари ацхыраара наунагӡа абиԥарақәа ргәалашәараҿы иаанхоит.
Василь Шаихразиев иҭабуп ҳәа реиҳәеит гәыблыла дахьрыдыркылаз азы. Иара убасгьы иазгәеиҭеит аимадарақәа ԥхьаҟатәи рыҿиара аҵакы шамоу. Аганқәа ишьақәдырӷәӷәеит аконструктивтә диалог ацҵара ишазҿлымҳау.
Аиԥылара алахәылацәа ҷыдала ахшыҩзышьҭра арҭеит имҩаԥысраны иҟоу агәырӷьаратә программа. Ԥхынгәымза 3 рзы ихадоу хҭысқәаны иҟалоит:
Аԥшаҳәа аартра — Ирҿыцу Амҳаџьыраа рыԥшаҳәа актәи ахәҭа аартра, уи аиҭашьақәыргылара мҩаԥысуеит Ҭаҭарсҭан ацхыраарала.
Аныҳәа «Сабантуи» — Аҟәа аԥшаҳәаҿы аҭаҭарцәа рмилаҭтә ныҳәа аиҩызареи акультуратә еиҭныԥсахлареи ирсимволны амҩаԥгара.
вчера 10:20
Жәлар Реизара аиҳабы Лаша Ашәба Ҭаҭарсҭан Ареспублика аԥыза-министр ихаҭыԥуаҩ Василь Шаихразиев диԥылеит
Аделегациа Аԥсныҟа иааит ԥхынгәымза 3 рзы имҩаԥысуа аныҳәатә усмҩаԥгатәқәа рылахәхареи Аҟәа ақалақь аҿы еиҭашьақәыргылаз Амҳаџьыраа рыԥшаҳәа актәи ахәҭа аартреи рзы ҳәа аанацҳауеит Жәлар Реизара апресс-маҵзура.
