Абанкнота шьаҭас иамоуп XX ашәышықәса 20-30-тәи ашықәсқәа рзы Аԥсны Асовет Социалисттә Республика ареволиуционер, аԥхьагыла Нестор Аполлон-иԥа Лакоба ипатреҭ, уи аԥсар арӷьарахьтәи аган аҟны иҟоуп.

Абанкнота агәҭантәи ахәҭаҿы даарԥшуп аԥсуа револиуциатә отриад «Кьараз» иалахәыз аҽыуаҩ (Ахархәара аҭоуп Аҟәа ақалақь аԥшаҳәаҿы иҟоу Асовет аамҭазтәи амозаикатә композициа).  Абанкнота хыхьтәи арӷьарахьтәи акәакь аҿы иануп 1921-1931 шш. рзы Аԥснытәи ССР агерб, иара убас иарбоуп Аԥсны Аҳәынҭқарра агерб, ихыгьежьу быжь-еҵәак, ҩынтәны иарбоуп аноминал «200 аԥсар», аемитент ахьӡ, Аԥсны Абанк ахантәаҩы Беслан Бараҭелиа инапынҵа.

Абанкнота ашьҭахьтәи аган агәҭантәи ахәҭаҿы иаарԥшуп итрадициатәу аԥсуа иашҭа иадубало адекоративтә ҩыра «Аԥсны». Акомпозициа ахахьы иануп иԥыруа ахьшь. Иара убасгьы иануп быжь-еҵәак, ҩынтә иарбоуп аԥсар аноминал,  арӷьарахьтәии ҵаҟатәии ахәҭаҿы икьыԥхьуп абанкнота аномер.

Аԥыжәара змоу аԥштәқәа аҟаԥшьи апатырқалԥшшәи роуп.

Абанкнота ҭыжьуп 5 000 екземплиар атираж аманы.