Print this page
28.Жьҭаара.2022

АИНФОРМАЦИАТӘ ФОТОАГЕНТРА «АԤСНЫПРЕСС - АРТФ» 25 ШЫҚӘСА АХЫҴИТ.

Аҟәа. Жьҭаарамза 28, 2022 шықәса. Аԥсныпресс.  Аинформациатә фотоагентра ««Аԥсныпресс - АРТФ» 25- шықәса ахыҵра иазкын афотоҭыхҩы, агентра анапхгаҩы Владимир Попов ила еиҿкааз арҿиаратә еиԥылара. Аиԥылара ахь ааԥхьара рыҭахеит Аԥсны афотоҭыхыҩцәеи ажурналистцәеи.

Афотоҭыхыҩ ҟаза, еиуеиԥшым ажанрқәа рҿы аус Артур Демченко ҳаамҭазтәи афотосахьа ала амастер-класс мҩаԥигеит. Уи иара убас афототехникеи астудиатә еиқәыршәагақәеи ииашаны рхархәара атәы еиҭеиҳәеит.

Амастер-класс аҿы иалацәажәеит аҟазареи ҳаамҭазтәи афотосахьа аидеиа аконцепциеи ртема.

Ааԥхьара зауз асасцәа ридеиақәеи рԥышәеи еимырдеит.

Афотоагентра анапхгаҩы Владимир Попов анаҩстәи аусуратә планқәа дрылацәажәеит: «Амастер-классқәа рымҩаԥгара сара сгәаанагарала даара хра злоу усны иҟоуп, избан акәзар адунеи ҭыԥк аҿы игылаӡам, есымша ҳаамҭазтәи афотосахьа аҭыхра аҟазара аҿы иҿыцу акы цәырҵуеит. Хара имгакәа ҳара еиҳа лассы-лассы афотографцәа рааԥхьареи ас еиԥш амастер-классқәа рымҩаԥгареи рзы агәҭакқәа ҳамоуп», - ҳәа иҳәеит Владимир Попов.


Read 423 times - Ашәахьа, 31 Жьҭаара 2022 14:00