Анатоли Карпов ихьӡ зху Аҟәатәи ашахматтә школ ааӡамҭа Владислав Џьопуа Шәача имҩаԥысуаз ашахмат ласқәа рзы атурнир аҿы актәи аҭыԥ ааникылеит. Лаҵарамза 9 рзы имҩаԥысыз аицлабрақәа Аиааира амш азгәаҭара иазкын.
Владислав 14 шықәса зхымҵыц ақәратә категориаҿы дықәгылон.

Ашахматасыҩ қәыԥш илшеит атурнир аҿы зылшара ӷәӷәаз ашахматасыҩцәа риааира. Аицлабрақәа рыӡбаҩцәа иазгәарҭеит аԥсуа спортсмен иазыҟаҵара аҩаӡара шыҳараку, ахәмарраҿы дшыласу.

Аԥхьахәқәа згаз реихшьала абас еиԥш иҟан:
Владислав Џьопуа (Аҟәа)
Ҭемыр Скупченко
Виачеслав Шерстиуков

Владислав Џьопуа аҳҭнықалақь ахадара аҿари аспорти русқәа рзы аусбарҭа ашахмат асекциа аҿы О.Хәырхәмал инапхгарала иҽазыҟаиҵоит.