Гәдоуҭа ихыркәшахеит СССР аспорт азҟаза, Аԥсни Урыстәылеи зҽаԥсазтәыз азыҟаҵаҩ Роман Чыргбаиа игәалашәара иазку абокс азы IX Жәларбжьаратәи атурнир.

Аԥсни, Беларуссиеи, Ҟазахсҭани, Урыстәылеи, Узбекистани рҟынтәи 200-ҩык рҟынӡа аспортсменцәа аԥхьахәтә ҭыԥқәа рзы иқәԥон.

Аԥснытәи абоксиорцәа рыбжьара аицлабрақәа рҿы аиааира ргеит: Гор Апозиан, Альберт Роганиан, Давид Аиба, Асхан Инаԥҳа, Макар Апозиан, Давид Џьоџьуа, Леуарса Аџьынџьал, Даниель Багариан, Гьаргь Гындиа, Едгар Депелиан ҳәа аанацҳауеит аспорт азы Аҳәынҭқарратә еилакы.