Шьаҿеиқәшәала арратә цәаҳәа иқәсит аруаа, апарад аҿы ицәырган арратә техникагьы.
Апарад идикылеит атәылахьчара аминистр Беслан Ҵәыџьба.

Агәырӷьаратә мҩасра иалахәын 700-ҩык инареиҳаны аруаа. Урҭ иреиуан атәылахьчара аминистрра, Аҳәынҭқарратә шәарҭадара амаҵзура, Аҩныҵҟатәи аусқәа рминистрра, аҭагылазаашьа ҷыдақәа рзы аминистрра, Аҳәынҭқарратә ҳазалхратә еилакы, Урыстәылатәи Афедерациа атәылахьчара аминистрра абыжьбатәи еидҵоу арратә база, Аԥсны иҟоу Урыстәыла Ашәарҭадаратә усбарҭа иатәу Аҳәаахьчаратә Усбарҭа рырхәҭақәа.