Акциа аидеиа хаданы иамоуп Аџьынџьтәылатә еибашьра ду аан иҭахаз ргәалашәара иазкны 27 миллион ҵла реиҭаҳара.
Агәыбедиа ақыҭан, Аџьынџьтәылатә еибашьра Дуи Аԥсны Жәлар Рџьынџьтәылатә еибашьреи рфырхацәа раллеиа аҵакыраҿы еиҭарҳаит Вологодтәи аобласт аҟынтәи иааргаз 40 туиа-ҵла. Урҭ аԥсҭазаареи наӡаӡатәи агәалашәареи ирсимволуп.

Агәырӷьаратә хәҭаҟны иқәгылеит ақыҭа ахада Генри Бигәаа, Аԥсны иҟоу Россотрудничество ахаҭарнакра анапхгаҩы инапынҵақәа назыгӡо Вадим Банников, Вологодтәи аобласт агубернатор иусбарҭа анапхгаҩы Виачеслав Фомин, Вологодтәи аобласт абнатә комплекс аминистр Евгени Агулов, Жәлар рфронт ахаҭарнак, аинтернационалтә ԥшыхәра-жәыларатә бригада «Донбасс абнатә дивизиаҿы» зхатәгәаԥхарала еибашьуа, Донецктәи жәлар рреспублика зҽаԥсазтәыз аҳақьым Борис Сычеников.

Иқәгылеит ашколхәыҷқәа, урҭ ажәеинраалақәа ирыԥхьеит, акәашаратәи авокалтәи номерқәа ӡырыргеит.
Акциа «Агәалашәара абаҳча» адунеи ахьынӡанаӡааӡо атәылақәеи абиԥарақәеи еиднакылоит.

Акциа еиҿыркааит: Аԥсны иҟоу Россотрудничество ахаҭарнакра, Вологодтәи аобласт абнатә комплекс аминистрра, «Вологдалесхоз», Тҟәарчал араион ахадара акультура аҟәша.