Афорум аҿы тема хаданы иҟалеит ашьхатә курорт апроект. Ҭеимураз Амқәаб инаҵшьны иазгәеиҭеит ареспублика аԥхынтәи асезон ишахьыԥшу.
«Аԥхынразы Аԥсны аԥсшьара, жәаҳәарада, ишьахәуп, аха аӡынтәи аамҭазгьы атуризм ҳарҿиалароуп».
Апроект заанаҵтәи арбагақәа рыла, ргәы иҭоуп 200 километра инареиҳаны амҩақәеи 6000 сасааирҭатә номери раԥҵара, уи ареспубликаҿы аусурҭа ҭыԥ ҿыцқәа аԥнаҵоит. Азԥхьагәаҭарақәа рыла акластер аусура аларгара аекономикаҿы анырра ду ҟанаҵоит.
Уажәы аспециалистцәа аҭыԥқәа алырхуеит. Аҵыхәтәантәи аӡбамҭа рыдыркылоит аекспедициақәеи аекологиатә гәаҭарақәеи анымҩаԥыргалак ашьҭахь. Акрызҵазкуа хәҭаны иаанхоит урыстәылатәи атуристтә кластер адлара.
05.Лаҵара.2026
Аԥсны ашьха-шәҩатә кластер аԥҵара ргәы иҭоуп: Кавказтәи аинвестициатә форум аихшьалақәа
Аҳәынҭқарра Ахада Бадра Гәынба напхгара зиҭоз Кавказтәи аинвестициатә форум аделегациа иалахәыз Ҭеимураз Амқәаб аихшьалақәа ҟаиҵеит. Ихадоу алҵшәақәа ируакхеит ишиашоу ицо аҳаиреимадара абжьаҵара: Аҟәантәи Аминералтә Ӡқәеи Нальчикҟеи рахь ареисқәа рдәықәҵара рҽазыҟарҵоит. Ставропольтәи ахырхарҭала акәзар авиаеилахәыра алхрахь ииасхьеит.
