2000-тәи ашықәсқәа рылагамҭа инаркны аиҿкаара аҳәса рлагалақәа ацхыраара аҭаразы платформа хаданы иҟоуп. 25 шықәса ирылагӡаны уи  аҳәса наплакыҩцәа иааиԥмырҟьаӡакәа адгылара рнаҭоит,  иагьалнаршеит ареспубликаҿы ақәҿиара змоу абизнес-проектқәа рынагӡара.

Афорум аартра иазкыз аныҳәатә усмҩаԥгатә рхы аладырхәит аҳәынҭқарра ахада Бадра Гәынба, Аиҳабыра алахәылацәа, Жәлар Реизара  адепутатцәа, абизнес-еилазаара ахаҭарнакцәа.

Афорум ахықәкы хадақәа иреиуоуп Аԥсны аҳәса рнаплакқәа рыҿиашьа аарԥшра, аибашьра ашьҭахьтәи аамҭазы раԥхьатәи аԥшьгарақәа инадыркны ҳаамҭазы ишәхьоу, аицлабра зылшо аҿырԥштәқәа рӡыргара.

Аусмҩаԥгатә аартра иадҳәалоуп абизнес знапы алаку аҳәса рықәҿиарақәа ирызку ажурнал «Леди-босс» аҭыжьымҭа ҷыдагьы.

Апрограммаҿы иазԥхьагәаҭоуп аиҿцәажәарақәеи аинновациатә проектқәа рӡыргареи.