Аусшәҟәы инақәыршәаны аусбарҭатә программақәа еилыкка еихшоуп анагӡара аҿҳәарақәа рыла: аамҭа кьаҿ иалагӡаны инагӡатәу – шықәсык инаркны хы-шықәсанӡа, абжьаратә – хы- шықәса инаркны фы-шықәсанӡа, акраамҭатәи апрограммақәа – фы-шықәса инареиҳаны.
Апрограммақәа еиуеиԥшым ахырхарҭақәа рымазар рылшоит: асоциалтәи аекономикатәи инаркны аинновациатәи аекологиатәи рҟынӡа. Ҷыдала ахшыҩзышьҭра рыҭоуп ареспубликатә биуџьети абиуџьетнҭыҵтәи афондқәеи рԥаразоужьрала имҩаԥгахо ахықәкытә программақәа.
Акрызҵазкуа ҿыцраны иҟоуп ишьақәырӷәӷәоу апрограммақәа зегьы астратегиатә планҟаҵара ашәҟәқәа рсиа ҷыдаҿы рҭагалара. Уи иалнаршоит аҳәынҭқарратә аԥшьгарақәа зегьы елыхха рбара, еизакны ашәҟәы рҭагалара.
сегодня 20:18
Аусбарҭатә программақәа стратегиала разԥхьагәаҭара аԥҟара ҿыцқәа шьақәдырӷәӷәеит атәыла анапхгара
Аԥсны Аминистрцәа реилазаара ишьақәнарӷәӷәеит аусбарҭатә (аусхкытә), аусбарҭабжьаратә (аусхкбжьаратә) программақәа аус рыдулареи, рыдкылареи, рынагӡареи, ахәшьара рыҭареи рзы аԥҟара ҿыц. Аӡбамҭа рыдыркылеит 2023 шықәса нанҳәамзазы ишьақәырӷәӷәаз Аԥсны Азакәан «Астратегиатә планҟаҵаразы» анагӡара аҳәаақәа ирҭагӡаны.
