Ареспублика унитартә наплакы «Аԥснытәи аихамҩа» амшцәгьа ахҟьаԥҟьақәа раԥыхра иаҿуп

вчера 0:34

Ареспублика унитартә наплакы «Аԥснытәи аихамҩа» амшцәгьа ахҟьаԥҟьақәа раԥыхра иаҿуп

Ареспублика унитартә наплакы «Аԥснытәи аихамҩа» аусзуҩцәа амшцәгьа иахҟьаны ааха зауз, Гагра араион 2010-тәи акилометр аҿы аиҭашьақәыргыларатә усурақәа мҩаԥыргоит, ҳәа адырра ҟанаҵоит Аихамҩа апресс-маҵзура.

Аиҭашьақәыргыларатә усурақәа еиҭахацыркын шьыжьнаҵы. Уажәазы амшын аԥшаҳәа арӷәӷәаразы аусурақәа мҩаԥысуеит, аихамҩа еиҭашьақәдыргылоит.

Ареспублика унитартә наплакы «Аԥснытәи аихамҩа» еиҭашьақәдыргылаанӡа, апассаџьырцәа автомобилтә транспортқәа рла еиқәдыршәеит.
Аиҭашьақәыргыларатә усурақәа рхыркәшара азԥхьагәаҭоуп, иахьа асааҭ 18:00 рзы.

Read 94 times