Алахьеиқәҵаратә церемониа мҩаԥысит ахаша, жәабранмза 18 рзы, Аҟәа «Арҵаҩы иҩны» аҿы. Аклассик аҵыхәтәантәи имҩахь инаскьагаразы шәҩыла ауаа неит: Аҳәынҭқарра Ахада Бадра Гәынба, Аҳәынҭқарратә усзуҩцәа, арҿиаратәи аҭҵаарадырратәи интеллигенциа рхаҭарнакцәа, аҟаза ибаҩхатәра абзиабаҩцәа.

Алахьеиқәҵаратә митинг ааиртит аԥыза-министр ихаҭыԥуаҩ, аԥсыжра аиҿкааразы аҳәынҭқарратә комиссиа ахантәаҩы Џьансыхә Нанба. Иара иазгәеиҭеит Анатоли Лагәлаа аԥсуа литератураҿы хәы змаӡам алагала шыҟаиҵаз.

Аҳаҭыртә ҟарул аҿы игылан Анатоли Лагәлаа иҩызцәа, игәакьацәа иколлегацәа: Арда Ашәба, Валентин Коӷониа, Геннади Аламиа. Ашәҟәыҩҩцәа Реидгыла ахантәаҩы Вахтанг Абхазоу иколлега угәаҵанӡа инеиуаз ажәахә изикит.

Ҷлоу ақыҭа иалҵыз Анатоли Лагәлаа Москватәи аҳәынҭқарратә университет ажурналистикатә факультет далгеит. Кавказ зегь реиҳа пату зқәыз алитераторцәа дыруаӡәкхеит. Д.И. Гәлиеи Т.Шь. Аџьбеи рыхьӡ зху Аҳәынҭқарратә премиақәа дырлауреатуп, «Ахьӡ-Аԥша» аорден III аҩаӡара ианашьоуп, 15 инареиҳаны ашәҟәқәа дравторуп.

Апоет иԥсҭазаара далҵит 64 шықәса дшырҭагылаз, жәабранмза 15 рзы, анышә дамадахоит Ачадара ақыҭан. Уи ибжьы рхазаауеит иара иҭынхаз иажәеинраалақәеи, ажурнал «Алашара» аҭыжьымҭақәеи. Иажәа аиашара иасимволны ажәлар ргәалашәарҿы наӡаӡа иаанхоит.