Аԥсуа поет, апрозаик, апублицист, ауаажәларратә усзуҩы, «Ахьӡ-Аԥша» аорден III аҩаӡара занашьоу, Д.И.Гәлиеи Т.Шь. Аџьбеи рыхьӡ зху Аҳәынҭқарратә премиақәа рлауреат, Аԥсны зҽаԥсазтәыз акультура аусзуҩы, Урыстәылеи Аԥсни рышәҟәыҩҩцәа Реидгылақәа рлахәыла Анатоли Ианкәа-иԥа Лагәлаа иԥсыжра аиҿкааразы Аҳәынҭқарратә комиссиа аԥҵоуп Аԥсны аԥыза-министр иқәҵарала.
Акомиссиа дахантәаҩуп Аԥсны Аҳәынҭқарра аԥыза-министр ихаҭыԥуаҩ Џьансыхә Нанба.
Аԥсыжра аиҿкааразы Аҳәынҭқарратә комиссиа адырра ҟанаҵоит Анатоли Ианкәа-иԥа Лагәлаа аҵыхәтәантәи имҩахь инаскьагара ацеремониа шымҩаԥгахоу 2026 шықәса жәабранмза 18 рзы, Аҟәа. Аҭыӡҭыԥ: Аиааира амҩаду 39 («Арҵаҩы иҩны»).
