АԤСНЫ АҲӘЫНҬҚАРРАТӘ СТАТИСТИКА АНАПХГАҨЦӘЕИ УРЫСТӘЫЛА АСТАТИСТИКА АНАПХГАҨЦӘЕИ МОСКВА АҚАЛАҚЬ АҾЫ 2022-2024 ШШ. АСТАТИСТИКА АУСХКЫ АҾЫ АУСМҨАԤГАТӘҚӘА РЫПЛАН РНАПЫ АҴАРҨИТ.

19.Жьҭаара.2022

АԤСНЫ АҲӘЫНҬҚАРРАТӘ СТАТИСТИКА АНАПХГАҨЦӘЕИ УРЫСТӘЫЛА АСТАТИСТИКА АНАПХГАҨЦӘЕИ МОСКВА АҚАЛАҚЬ АҾЫ 2022-2024 ШШ. АСТАТИСТИКА АУСХКЫ АҾЫ АУСМҨАԤГАТӘҚӘА РЫПЛАН РНАПЫ АҴАРҨИТ.

Аҟәа. Жьҭаарамза 19, 2022 шықәса. Аԥсныпресс. Аԥсны Аҳәынҭқарра астатистика Аилак ахантәаҩы Кама Гогиеи Урыстәыла аҳәынҭқарратә статистика Афедералтә Маҵзура анапхгаҩы Сергеи Галкини Москва ақалақь аҿы «2022-2024 шш. астатистика аусхкы аҿы аусмҩаԥгатәқәа рымҩаԥгара аплан» рнапы аҵарҩит, ҳәа адырра ҟанаҵоит Урыстәылатәи Афедерациа иҟоу Аԥсны Аҳәынҭқарра Ацҳаражәҳәарҭа апресс-маҵзура.

Иара убас аҩганктәи аилацәажәарақәа мҩаԥысит. Араҟа аусеицура ихадоу апунктқәа ралкаареи аԥышәа аимдареи мҩаԥысит.

Аиԥылара рхы аладырхәит урыстәылатәи аган аҟынтәи Урыстәыла астатистика азы Афедералтә Маҵзура ахада Сергеи Галкин, уи ихаҭыԥуаҩцәа Сергеи Егоренкои Алексеи Горобцови, аԥсуа ган аҟынтәи – Астатистика азы Аҳәынҭқарратә Еилакы ахантәаҩы Камма Гогиа, анапхгаҩы лхаҭыԥуаҩ Лела Качараа, Урыстәылатәи Афедерациа иҟоу Аԥсны Аҳәынҭқарра Ацҳаражәҳәарҭа абжьгаҩ-цҳаражәҳәаҩ Татиана Гәлиа.

Астатистика азы аҳәынҭқарратә Еилакы аделегациа Москва иҟоуп аофициалтә ҭаара аҳәаақәа ирҭагӡаны. Иазԥхьагәаҭоуп урыстәылатәи рколлегацәа рԥыларақәа, иара убас аҩганктәи аконсультациақәа.

Read 423 times - Аԥшьаша, 20 Жьҭаара 2022 14:58