15-ҩык амодельцәа ахацәеи аҳәсеи итрадициатәу рышәҵатәы, иара убас урҭ ҳаамҭазтәи аинтерпретациақәа   ӡырыргеит.

Зусумҭақәа рыдгалара мҩаԥызгаз адизаинерцәа  иреиуоуп – Сабрина Пкьын, Кадыр Тәанба, Ника Берзениа, Салима Ҳашыг, Сарида Ҵәыџьба,  абренд «Ақса», Ҳамида Цәеиба.

Ашәҵатәқәа рхаҭабиара ахәшьара арҭон аӡбаҩцәа – Маиа Герзмаа, Инга Шамба, Алхас Аргәын, Даур Ақаҩба, Марианна Амҷба, Мадина Ҷанԥҳаи Илона Занҭариаԥҳаи.

Аноминациа «аԥҳәыс лмилаҭтә шәҵатәы» аҿы аиааира лгеит Сабрина Пкьын, уи илоуит аԥаратә ҳамҭа – 100 нызықь мааҭ.

Аноминациа «ахаҵа имилаҭтә шәҵатәы» аҿы иреиӷьуп ҳәа иалкаахеит Кадыр Тәанба авторс дызмоу ашәҵатәы, уи иоуит аԥаратә ҳамҭа –  100 нызықь мааҭ.  

Аноминациа «аԥсуа милаҭтә шәҵатәы ҳаамҭазтәи аинтепретациа» аҿы аиааира ргеит Ника Берзениа,  Салима Ҳашыгԥҳаи Сарида Ҵәыџьԥҳаи, урҭ ироуит  50-50 нызықь мааҭ рҟынӡа инаӡоз аԥаратә ҳамҭақәа.  Аӡбаҩцәа иара убас иалыркааит Ҳамида Цәеиба лусумҭагьы.