Print this page
31.Ԥхынҷкәын.2025

Аԥсни Урыстәылеи 2026-2030 шықәсқәа рзы ареспублика асоциал-економикатә ҿиаразы аҳәынҭқарратә программа анагӡаразы аиқәшаҳаҭра рыбжьарҵеит.

Аҟәа. Ԥхынҷкәынмза 31, 2025 шықәса. Аԥсныпресс. Аԥсни Урыстәылеи «2026-2030 шықәсқәа рзы ареспублика асоциал-економикатә ҿиаразы аҳәынҭқарратә программа анагӡаразы аиқәшаҳаҭра» рыбжьарҵеит.  

Ари аиқәшаҳаҭра ахықәкы хаданы иҟоуп Урыстәылатәи Афедерациа  аганахьала Аԥсны асоциал-економикатә ҿиара адгылара аҭара, хәыда-ԥсада афинанстә цхыраара аҭарагьы уахь иналаҵаны.

Иарбоу аԥарақәа дәықәҵахоит абиуџьеттә уалафахәы аизырҳара, аинфраструктура аинвестициақәа ралагалара, Аԥсны имҩаԥысуа аинвестициатә усмҩаԥгатәқәа рзы аҳәынҭқарратә дгылара, иара убасгьы иааиԥмырҟьаӡакәа «шьаҭанкылатәи» ацхыраара аҟаҵаразы.

Аиқәшаҳаҭра рнапы аҵарҩит Аԥсны аекономика аминистр Ҭемраз Амқәаби Урыстәылатәи Афедерациа аекономикатә ҿиара аминистр ихаҭыԥуаҩ Сергеи Назарови.

 


Read 163 times - Амҽыша, 04 Ажьырныҳәа 2026 12:57