Аматериалқәа рыхәаԥшра ашьҭахь Аҟәатәи ақалақьтә ӡбарҭа аӡбамҭала Иван Рева Аԥсны Административтә зинеилагарақәа рзы Азакәанеидкыла ахәҭаҷ 41.19 иазԥхьагәанаҭо административтә зинеилагаразы ахара идҵаразы ақәҵара аднакылеит. Иван Рева ихьырхәра аҳасабала алхраԥхьатәи агитациа амҩаԥгара алахәхаразы закәанла азин змам ахаҿқәа ахьадыԥхьалаз азы аџьахәԥса 30 рыхә — 1800 мааҭ ахараԥса ишәароуп.
17.Ԥхынҷкәын.2025
Иван Рева административтә зинеилагаразы ахара идҵоуп.
Аҟәа. Ԥхынҷкәынмза 17, 2025 шықәса. Аԥсныпресс. Ԥхынҷкәынмза 16, 2025 шықәса рзы Аҟәа ақалақьтә ӡбарҭа аӡбаҩ Кәарҷиа И.Г. ихантәаҩрала Урыстәылатәи Афедерациа атәылауаҩ, Лугансктәи аобласт Краснодон ақалақь аҿы 2000 шықәса рзы ииз, Севастополь ақалақь аҿы инхо Рева Иван Евгени-иԥа иганахьала административтә зинеилагаразы аматериал иахәаԥшит.
