Изҭаху зегьы Аҵаа Бабаду иахь иҩу асаламшәҟәқәа ганы уи иану агәазыҳәара наигӡар илшоит.

Ԥхынҷкәынмза 8 рзы аплатформа «Гәыма» аҟны ишьақәыргылахоит аԥсаҵла. Уи аԥҟа-оригами ала ирхиахоит. Аԥҟацыԥхьаӡа ианызаауеит афонд аҟынтәи ахылаԥшра зауа ахәыҷқәа руаӡәк игәазыҳәара. Аԥҟа-оригами ганы шәара аҳамҭа аахәаны афондқәа рофисқәа руак аҿы иааншәыжьыр алшоит.

Ԥхынҷкәынмза 23 рзы имҩаԥгахоит аныҳәатә усмҩаԥгатә. Араҟа зегьы раасҭа иалукаауа агәазыҳәарақәа иара уааҵәҟьа, аплошьадка «Гәыма» аҿы инагӡахоит.  

Апресс-конференциеи акциа ахацыркреи азԥхьагәаҭоуп ԥхынҷкәынмза  8,  асааҭ 13:00 рзы арт-пдошьадка  «Гәыма» аҿы.

Акциа «Ашанаҵла – 2025» аҳәаақәа ирҭагӡаны имҩаԥгахо аусмҩаԥгатәқәа рыграфик абас ала ишьақәгылоуп:

Ԥхынҷкәынмза 5 рҟынӡа – афондқәа русзуҩцәа рыла асаламшәҟәқәа реизгара мҩаԥыслоит.

Ԥхынҷкәынмза 8, асааҭ 13.00 рзы – арт-платформе «Гәыма» аҿы акциа ахацыркра иазкны апресс-конференциа мҩаԥгахоит.

Ԥхынҷкәынмза 8 - 12,  асааҭ 11:00 инаркны асааҭ 14:00 рҟынӡа –  аплатформа «Гәыма» аҿы ахәыҷқәа рысаламшәҟәқәа ргара ҟалоит.

Ԥхынҷкәынмза 10 - 20 рзы – афондқәа «Кьиараз», «Ашана» аофисқәа рҿы аҳамҭақәа реизгара мҩаԥыслоит.

Ԥхынҷкәынмза 23 рзы – афиналтә акциа, «Ашықәсҿыцтәи адәыӷба» амҩаԥгареи аҳамҭақәа ранашьареи мҩаԥгахоит.

Ашықәсҿыцтәи адәыӷба «Ашанаҵла» абарҭ астанциақәа рҿы иаангылалоит:  

«Гагрыԥшь» – асааҭ 10:00 рзы,

«Гәдоуҭа» –  асааҭ 12:00 рзы,

«Афон Ҿыц» –  асааҭ 14:00 рзы,

«Гәыма» – асааҭ 16:00 рзы.

Акциа «Ашықәсҿыцтәи адәыӷба» «Аԥснытәи аихамҩа» анапхгара, «акультура-усуратә платформа «Гәыма», ақалақьқәа Гагра, Гәдоуҭа, Афон Ҿыц акультура аҟәшақәа, иара убас акоманда «Аҟәа аниматорцәа» иҟарҵо адгыларала  имҩаԥысуеит.