«Араҟа акы иаламҩашьо иблахкыгоу, ицқьоу аԥсабара ыҟоуп, уи аԥхасҭатәра ҟалаӡом, уи уеиҷаҳалароуп, убри аҟнытә араҟа ас еиԥш ааглыхра амҩаԥгара ҟалаӡом», - ҳәа иҳәеит Сергеи Кириенко.

Уи игәаанагарала, Мрагыларатәи Аԥсны араионқәа иамоу апотенциал Мраҭашәаратәи Аԥсны апотенциал џьара акала еиҵаӡам. Уи адагьы, атуризм мацара аԥхынтәи аамҭахәҭеи амшын аԥшаҳәеи рыла иҳәааркызар иашаӡам.

Убри азы Урыстәыла ареспублика иацхраауеит атранспорттәи егьи аинфраструктурақәеи рыҿиара азҵаараҿы, иара убас еиуеиԥшым апроектқәа рынагӡареи агастрофестивальқәа рымҩаԥгареи, хра злоу апроектқәа  «Аԥсны аҳәаа», «Зысасгәашә аарту Аԥсны», уҳәа реиҿкаареи рзы.

Сергеи Кириенко аԥсуа економика ԥхьаҟа изго ақыҭанхамҩеи атуризми роуп ҳәа инаҵшьны иазгәеиҭеит.